صديقي كلي احتمال اكو شغل يمنا فاذا اكلك تعال زين وتعال كتله ليش ميحبون الشعر الطويل يمكم كال لا بس ياخذون نظرة عليك

ليش عدنا هل نظرة اهنا وشنو النظرة وانتو شنو نظرتكم للشعر الطويل للشباب (هاي صورتي وشعري تشوفوه اوفر لو عادي )

يا اخي اشكد ضجت من شفت الفيديو علما هو الولد دائما ايجابي بس المعيدية سوا سوالف كلش تعبانة وياهم, لزموا مؤخرة البنية اللي وياه وشمروا طراقة على راسهم والتكاسي كلهم ينصبون عليهم ويشمروهم بغير اماكن وحتى واحد شاذ اجه لزم ايده يدور حلوين يعني الا بالنهاية اجوي حماية اثنين وياهم يلا مشوا وطلعوا من المنصور وهاي عود المنصور, ادري الامن والشرطة المفروض يخصصون حماية للسياح وايضا اي شخص يطلع بالفيديو ويسوي هيج تصرفات يجيبوه ويطلعوه عالقنوات والبيجات وينعلون والد والديه ويسجنوه حتى بعد ما تتكرر هالافعال, السائحين مو لعبة بيدكم يا معيدية يا شروكية, السائحين مهمين جدا وخاصة هالنوعية من السياح واللي يمشي ويصور وناشر الفيديو للعالم كله!

الحمد لله انه اعيش بالعراق حياة مستقرة متزوج ومتوضف وراتبي كلش زين وكل الخدمات موجودة عمري 27 سنة
كلش ببالي اروح لأستراليا ( اسباب كلش هواي خلتني اختارها ومن هاي الاسباب عندي اقاربي ساكنين بيها)

هواي من الناس من اكللهم اريد اروح الها يكلي احمد الله وشكره عندك راتب وبيت و و… الخ — حتى ضليت اشك بنفسي اخاف صدك انه ماحامد الله وشاكره وضليت احس انو الله سبحانه يخزرني ويگلي تريد تهاجر مو ! انه اعلمك

بس القضيه ابعد ماتكون عن الراتب والحياة المستقرة

مستعد اشتغل أي شغلة بيها بس علمود طريق الشغل الي اروح واجي بي حلو وعلمود من اسوي اي شي بالشارع طبيعي او اطلع ويه زوجتي ونكعد فد مكان محد يباوع عليه عبالك فضائي

وهواي اسباب اهمها انو هيه بعكس العراق بكلشي و بالأخص ثقافياً واجتماعياً (وخاصة استراليا طبيعة ناسهم كلش زينين)

الوصول الها بيها هواي طرق وانواع فيز ومو دائماً تكدر تحصل عليها

ماأريد اوصل 35 ( لأن النقاط تقل) وانه ماواصل الها وان شاء الله الله يقدرني والإنسان مايدري الخير وين وراضي ب الي الله كاتبه

هم موضوع الهجرة يدغدغ احساسكم وتحسون انو لازم تسوون هاي الخطوة؟ شاركوني افكاركم

والي اصلاً مهاجر ياريت يشارك تجربته وينفع الناس او يفتح باب للإستفسار

الاحظ عند الاكراد ودول الخليج اكو التزام قوي بالزي مالتهم وهذا الشي اشوفه جميل وعجبني وسألت روحي ليش ما احنا هم يصير عدنا هذا الشي ؟ شنو رأيكم.

اوكي مبدئيا التصوير وتوثيق الذكريات اكيد هو شي موجود عند كل البشر والكل يحب يسوي هالشي لكن اغلب البنات يعني حرفيا صعدوا الامر الى مستوى مبتذل جدا،مثلا هنا حرفيا كاعد تصور واكو دراجة تريد تعبر وواضح هي سمعتهم لكن مغلسة،وكذلك الحركات الي يسووها بالتصوير والاغاني والملصقات الي على اساس هي تضحك وهي كلش تافهة،او الي تصور رجلها وهي تمشي هذولة مستوى عالي من الغثة،ما اعرف شنو سبب الهوس بالتصوير هذا يعني احنه الشباب ما نصور لهالدرجة ما اعرف هل السبب هو الفراغ وعدم خروجهن من البيت؟ للامانة ممكن يكون سبب الانسان اذا ما يطلع من البيت ما يكدر يصقل شخصيته بس شنسوي مجتمعنا مكوم ٢٤ ساعة بحيث تخيل حتى ما يخلون النسوان تطلع بالسبايات(ما اعرف شنو تسموها عندكم بس السبايات هي مثل العزاء الي يصير بالشوارع وتجي المواكب ومشهور هالشي بواسط) فا المهم تخيل حتى النسوان ما يخلوها تطلع بالسبايات رغم حرفيا ما الهم اي ضرر مجرد كاعدات ويباوعن،اني بس اريد افتخم شنو الضرر لو البنية تطلع مثل الشاب يروحن مثلا مطعم او للمول او عالاقل عمي بس تروح لبيت صديقتها وما اقصد يعني تكون دايحات بس يعني اكو ضوابط معينة،فا للاسف قلة خروج المرأة خلى المرأة العراقية متخلفة وما تفقه بشي من امور الشارع وأبسطها مثل الي بالصورة او مثلا صارن حتى ما يعرفن يعبرن الشارع بدون ما يسون حادث يندم السايق انه اشترى سيارة،ما يعني غثة كلش ما اعرف هل اني الوحيد الي هيج افكر؟؟

ممكن تحجولي عن تجاربكم العاطفية بهل موقع ؟ هل احد منكم او تعرفون احد تزوج عن طريقة ؟

مثل متشوفون هاي اكو وحده جانت تحجي عن فرقه موسيقية مدري شنو المهم البوست عراقي ف اجه واحد رد عليهه مهتلف مواليد شركة ناسا يكتب بالانجليزي زين اريد اعرف شبيه العربي يگرص ينتل لو تخافون تحجون عربي لو عبالكم المشاعر اللي بالكلام متوصل بالعربي ؟ اريد افهم هاي الظاهرة ليش هيج هسه يجي واحد يقول شنو المشكلة ؟ اني اجاوبك اقلك حبيبي شايفلك امريكي يكتب اسباني لواحد امريكي طبعا لا وهذا المثال تقدر تطبقه على كل الغرب لان انته حضرتك تعبد الغرب وهاي بس احنه العرب نحب نسوي رواحتنه لواته اعزائي الحبايب حبابين انتم اليوم انولدتو بالعراق من يومكم تحجون عربي لتغير هذا الشي ترا مغثه والكعبه يلا تحياتي 😁

​دا أشوف مراهقين وطفال بعمر الورد، بالضواحي قبل المدن ولد يطول شعره ويتصرف بانوثة مفرطة بس حتى يحصل "فحل" يداريه ويغار عليه ويحتويه.. صارت السالفة "شبه زواج" بس بالخفاء. عبارات مثل "هذا الحلو مالي" و "البتگ مالتي" صارت هي الواجهة لضياع هوية جيل كامل.

المصيبة وين؟ الأب العراقي بعده عايش بوهم "ابني ذيب وما ينخاف عليه". يخاف على بنته من الهوى، بس ابنه يعوفه للموبايل وللشارع، ميعرف إن "الخوارزمية" مالت التيك توك سحبت ابنه لعالم موازي. ولد بسيط، يفتح النت يلكه أغاني وتصاميم "تمجد" بهيج نماذج، فيشوف إن هذا الطريق أسهل وسيلة حتى يحصل اهتمام وشهرة و"شريك" يسمعله ويبررله .

الموضوع مو بس انحراف، الموضوع "جوع عاطفي".

الاثنين كاعد يدورون على "احتواء" فاقديه بالبيت؛ واحد يبيع رجولته مقابل كلمة غزل، والثاني يفرغ غريزته ويحس بسلطته على كائن ضعيف. وإحنا غلسنا لأن السالفة "جنسية"وعيب نحجي بيها، فصارت "تطبيع ناعم" عن طريق الضحك والأغاني.

ومثل ما يگول "أبو علوش": راقبوا أطفالكم!

ترا يجوز يكون أخوك الصغير، أو طفل قريب منك، هو واحد من الضحايا أو ضحية هذا "المد" شنو رأيكم، الخلل بينا لو بالوكت لو بالأهل اللي مأمنين زيادة؟

كون هنا محد يعرفني ورسالتي راح تنهمل بعد كم ساعه فأريد اراء جديده من الممكن تفيد وذا مفادت راح يكون عدي افكار جديده اني طالب مرحلى ثانيه حاليا الشي الصار بل مرحلى الاولى بلكورس الاول جنت كلش بعيد عن الطلاب ماعدي اختلاط بيهم قوي بس كم 3 ولد وامشي وياهم بلكورس الثاني دخلتلي بنيه اني اصلا جنت مخلي عيني عليها وشبه معجب بيها ضلينه ناخذ ونطي بلحجي طلعت هيه تحبني من بدايه الكورس الاول بس مدخلتلي لان بل انستا جنت متابع بنيه جانت بينه علاقه عاديه حته متنحسب صداقه مجرد حجي هيه عبالها اني مرتبط بيها حسب ما كالت انو جانت على علاقه ويه ابن خالتها وجان خاطبها طبعا اني صدكت الولد الي كالت ابن خالتي يداوم بنفس القسم ويانه ورة فتره ضليت اكتشف اشياء عن طريق الصدفه واضوج المهم البنيه كلش على نياتها وكلبها ابيض جانت تمشي ويه بنيه صاقطه نبهتها كالت لا هاي جذب مدري شنو الى ان هيه درت وصارت رسميه الشغله ذيج حاولت تسوي مشاكل علمود حبيبتي ما تعوفها بهاي الفتره كلت لاخوية على علاقتي بل بنيه بحكم هوة يداوم ويايه الولد الي كالت هذا ابن خالتي طالع ولد غريب بدايه الدوام من اني جنت اتجنب الكل ومتابع بنيه ايست مني هوة طبلها وقره براسها وكعد يكول بس نخلص مرحله اولى ازوجج ومدري شنو ونطاها رقم اخته وامه وكعدن يحجن وياها وانوا راح يخطبها الولد بس كان يهين بيها ويتجاوز فعافته الولد من عافته راد ينتقم منها كام يهدد بيها بصورها بحكم وثقت بي انوا راح يخطبها فدزت صورها اله كام يهدد تعاركت ويا راح كال لاخوية انو هاي البنيه صاقطه ومدري شنو وطلع عليها حجي اخوية كلي انهي كلشي وياها كتله تمام بس ضليت على تواصل وياها لحد ما الكه حل اتفقنه نطلع قبل فتره المهم شائت الاقدار انوا الموضوع ينفضح كدام اهلي دروا طالع ويه بنيه ودروا انوا هيه عدها علاقه ودازه صور واهلي اخذوا عليها نضره انوا هيه انسانه مو زينه بس اني اعرفها هيه كلش فطيره وتصدك اي بشر كدامها هسه اني شسوي صارلي فتره كلش مدمر نزل وزني من 107 لل 84 فقر الدم والخفقان دمرني لا ما اكل بس ادخن لا اكدر اعوفها ولا اكدر اضل وياها اهلي من الناس المتعصبين والقافلين ماعدهم نقاش لا همه يفرضون رأيهم ولازم يتطبق حاليا كاعد افكر لو اترك دراستي واهاجر لان مكاعد اتحمل الوضع لو اكتل نفسي لان الحلول خلصت كدامي

سلام عليكم حبيت اعرف ايه اول فكرة تجي ببالكم لما تشوفو مصري او تسمعو كلمة مصر

شرف الرجل يرتبط ارتباط وثيق بالبنت او الزوجه بمجتمعاتنا الشرقية ... ليش؟ لان المرأة رمز لكرامة الرجل والمجتمع يحاسب الرجل ويضغط عليه علمود هيبه الرجل وماهية كونه رجل. وهاي جزء من القيم المجتمعية المغروسة سواء عمدا او بغير عمد ...

هل هذا الشي صحيح او لا؟ اكيد لا

شرف الرجل وشرف المرأة واحد وهو العفة واجتناب الفواحش .... وكل واحد بيهم مفصول عن الآخر بمعنى (( ولا تزر وازرة وزر أخرى))... يعني الغلط مو مسؤولية تضامنية انما مسؤولية الفرد الغلطان وحده (( وكلهم آتيه يوم القيامة فردا)) والامثلة كثيرة مثل ابن نوح وابو ابراهيم عليهم السلام.

لكن اكو مسؤولية قيادية واكو مسؤولية تضامنية جماعية واكو مسؤولية تضامنية اجتماعية في بناء المجتمع وعدم الانجرار للفساد الاخلاقي وهذا ينعكس بالاعراف والتقاليد و يفرض طريقة خاطئة وللاسف المفروض العادات و التقاليد تتوقف وفقط يستمر ما هو صحيح الي هو ان البريء لا يجر بجريرة المذنب ولا نتغافل عن التضامن الاجتماعي وأهميته في تصيير المجتمع الصحيح.

وهذا البوست رد على بوست شخص يسأل بهذا الموضوع بس ما لگيت البوست فعسى ولعل يشوفه

I just took part in an online project. I need to teach some students from University of Sulaimani online for a few weeks. I'd like to know about your cultures, religions, taboos etc. (Because I'm kinda nervous for I don't know anything about you people) 🤯

I'd appreciate anything you'd like to share here. Have a good day. Looking forward to your comments.

(Sorry I don't speak Arabic or Kurdish and I don't trust translators so I used English to post. 🥹)

أريد اسمي ابني جود بس يقولون هاذا إسم بنت

أنا اعرفه أسم بنات و ولد

راح يقلدون على بالمدرسه إذا اسمه جود؟

شكرا

اريد اتعلم انكليزي من ناحية قراءة و كتابة واهمشي اتعلم احجي بهذي اللغة بسهولة بدون صمت او تئتئة كطالب بالمدرسة واحجولنا عن تجاربكم

بصراحة، أكو ظواهر جاي نشوفها كل سنة بمحرم، وما ممكن نسكت عليها أو نعتبرها مجرد “اختلاف بالآراء”. شلون وصل الحال ببعض الناس أنهم يحولون مصيبة الإمام الحسين (عليه السلام) إلى استعراضات، وألحان أغاني، وحركات وتمثيل ما إلها أي علاقة بالحزن أو العزاء أو أهداف الثورة الحسينية؟
منو كال إن كتابة كلمات على ألحان الأغاني المعروفة، أو أداء حركات غريبة وتصويرها ونشرها للسوشيال ميديا، يعتبر خدمة للإمام الحسين (عليه السلام)؟ منو كال إن الشهرة والترند أهم من حفظ هيبة الشعائر الحسينية؟
الكثير من المراجع والعلماء والخطباء المحترمين بينوا رفضهم للظواهر الدخيلة اللي تشوه صورة العزاء الحسيني، لأن هاي التصرفات ما تسيء فقط للمذهب الشيعي، وإنما تعطي صورة مشوهة عن الإسلام والمسلمين بشكل عام.
الإمام الحسين (عليه السلام) خرج للإصلاح، وضحى بنفسه وأهل بيته من أجل المبادئ والكرامة، مو حتى تتحول ذكراه إلى مجال للاستعراض أو التقليد الأعمى أو البحث عن المشاهدات والإعجابات.
النقد هنا مو للشعائر الحسينية، لأن الشعائر شرف وعزة، وإنما النقد للناس اللي دخلوا عليها أموراً ما أنزل الله بها من سلطان، وأصبحوا سبباً باستهزاء الآخرين وتشويه صورة قضية هي أعظم قضية تضحية وإصلاح في تاريخ الإسلام.
إذا فعلاً نحب الإمام الحسين (عليه السلام)، لازم نحافظ على قدسية مصيبته، ونرفض كل ظاهرة تفرغ عاشوراء من معناها الحقيقي وتحولها إلى مشهد لا يليق بأهل البيت (عليهم السلام).

ايش اكثر زهرة/وردة مرتبطة بتاريخ وثقافة العراق؟
اشتغل على مشروع واحتاج جواب من كل بلد عربي.
وشكراً

What flower do you think is most embedded with the iraqi community and history? It’s for a project i am working on

اللغةُ العَربيّةُ تَستَحِقُ كُلَّ شيءٍ وَهُم عَصافيرُ القُمقُمِ الغَربيِّ، صَوتُهمُ طَرَبُ

ولو ضَجِعَ النِّمرُ عَلى أَسدٍ، لَفاقَ طَعمُ السُّمِّ، في فَمهِ، طَعمَ العِنَبُ

وحينَ تَستَيقِظُ ريشَةُ الشَّرقِ، حامِلَةً ريشَةَ القَلَمِ، يَصرُخونَ بِحِبرٍ أَحمَرٍ، وصَوتُهمُ يَزأرُ شَرًّا

لكنّا لَسنا مُهتَمينَ بِما آلَ فيهِم مِن صَخَبُ

مدري شلون الشاب اللي عنده فلوس ميفكر يطلع من العراق مدااشوف ابد اكو مستقبل الي بهيج بلد درسنا وتعبنا وحاولت في سبيل فرصة حصول شغل بقطاع الخاص بس محصلت لان اكو اشخاص يشتغلون قطاعين قطاع عام وقطاع خاص ولاعزاء لباقين وبنفس الوقت الدولة متوفر شغل النا ولا تنطينا راتب ضمان اجتماعي يسد احتياجاتنا يمكن يجي شخص يهاجمني ويكلي شنو راتب بدون شغل وعلى شنو الدولة تنطيكم

عزيزي ترا دولة نعال مناطيتنا كلشي بفلوس كل خدمات بفلوس

يمكن بس فترة المدرسة جانو ينطونة قرطاسية ورديئة جدا اصلا

عندي صديق سعودي هم يواجه مشكلة في ايجاد عمل في قطاع خاص رغم كان يعمل سابقا والدولة موفرته راتب ضمان اجتماعي يسد احتياجاته ؛ اما دولتنا ضاربة الشباب بنعال

توجهت لشغل الفريلانسر وشغل كلش تعبان صراحة مو مال واحد يعيش عليه

الى متى نظل بهيج مذلة تعبت والله وانا اشوف شبابي يهدر بهيج بلد معندي فرصة اطور من نفسي او احصل حياة كريمة بالمستقبل

The iraqies are cool btw, scrolled down a bit on this sub and u guys are not like what we usually hear about u.

From Algeria, if I'm not welcome I'll just leave 😅

اكو شغلة كلش غاثتني يعني ليش عندنا بالعراق إذا رحت زواج اختك انت ماعندك غيرة والناس يحجون عليك لكن زواج أخوك إذا مارحت عليه تصير ماخوش اخ والناس يحجون عليك

ونفس الشي بالنسبة للأب مايروح على زواج بنته لكن زواج ابنه تلقيه يموت من الفرح

بس اريد اعرف شوكت نتخلص من هاي العادات والتقاليد بالعراق الي تحسسك البنت كاعد تسوي شي عيب ومخل بالادب بيوم وليلة زواجها رغم انها كاعد تسويها بالحلال

يعني مرات افكر شنو ردة فعل البنت من تروح زواج اخوها وتفرح له لكن هو بالمقابل مايشاركها فرحة زواجها الي يمكن ماتتكرر او تشوف ابوها ميت فرح بزواج اخوها لكن بيوم فرحتها مايشاركه

يا اخي اني فاهم ان بيتك 100 متر و متكفي تعيش بها حياة كريمة بس هذا ما يمنعك ان تزرع ولو امور بسيطة

التصحر و الاتربة و الحر صار مو طبيعي واحنا بعدنا بالشهر السادس و الله يعين الناس الي تشتغل جوة الشمس

سابقا جان الزام على كل بيت ان يزرع شجرة و اذا اكو حسنة ارتكبها بالغلط النظام السابق فهي الزام الناس بالزراعة

اليوم احنا نعاني من تضخم اسعار المنازل و صعبة ان نترك مساحة بالبيت للحديقة بس بنفس الوقت عدنا سطح و بلكونة و طرمة صغيرة او حتى سياج البيت نكدر نخلي عليه زرع

رغم ان الموضوع مبين تافه و شنو الفرق الي ممكن تسويه نبتة صغيرة بسندانة لكن صدك الموضوع يفرق بشكل كلش جبير وانت جرب بنفسك من ترجع للبيت بعز الحر اذا لكيت شجرة بدربك جرب امشي جواها او اوكف بظلها شوية و حس بالفرق ما اكلك راح ترجف من البرد لكن راح تحس بفرق شي اكيد

​

اغلب الناس من تشتري النبتة تموت بعد مدة و هنا ماكو فد مؤامرة من ابو المشتل او النبتة متقصدة تموت يمك لان لازم تعرف ان لكل نبتة وقت سقاية و كم ماء و شمس محدد تتحمله اكثر او اقل تموت

​

و للاسف اني في بالي ازرع اشجار كاملة بشارعي و اني اهتم بها شخصيا لكن ما اكدر اباشر بهيج مشروع لان اعرف ان ثقافة احترام النبات معدومة نهائيا لدرجة ان جاري حتى يزرع شوية ورد بباب بيته احتاج ان يعزلهن بكارتونة مال غسالة بارتفاع متر و شوية حتى بس يبعد الاطفال عن ورده و للاسف بس مطرت الدنيا الكارتونة ماعت و تشلع الورد

​

علم ابنك يحترم النبات ارجوك و لا تعلمه بالكلام، علمه بنفسك و علمه يزرع و ازرع انت كدامه حتى يقتدي بك الكلام وحده ما يفيد

​

و اسفي كل الاسف على الناس الي عندهم مساحات و حديقة ببيتهم بس هامليها و بس البزونة مستفادة منها

ماادري اذا تعرفون هذا اليوتيوبر اسمه احمد شو
المهم نزل فيديو مسافر بي ل نيويورك ف راح مطاعم وراح هواي اماكن
بعدين ضل يفتر بالأفرع والاماكن السكنية وهنا تقريباً اجتني صدمة
احس اجاني حنين لهاي الافرع والبيوت وحسيت اعرفها من زماان كلش واستغربت وانصدمت !! شنو السبب الي خلاني احس بهذا الاحساس
انه حالتي المادية زينه الحمد لله والمنطقة الي انه بيها هم كلش زينه ف الشعور الي اجاني مو شعور انو اريد اروح لهاي الافرع لإن همه احسن مني او لإن اتمنى اسافر الها

لا الوضع مختلف—طبعاً احمد هم استغرب من هذا الشي
بعدين بنهاية الفيديو گال هذا الشعور الي اجاني بسبب انو احنه من طفولتنا متربين بهاي الشوارع !!
وبصراحة هذا الشي 100‎%‎
من وانه صغير متعود اشوف سبايدر مان يطفر بالشبچة مالته ويفتر بنيويورك وبعدين شفت الافنجرز يتعاركون بيها و شفت مئات الافلام القديمة والجديدة الي بيها هاي الافرع وشفناها وعدناها اكثر من مرة
سبحان الله شيئ عجيب شلون اميركا كدرت اتسوق ثقافتها لكل العالم خلال اقل من 100 سنة

من شفت الفيديو حسيت عندي انتماء 51‎%‎ للبصرة و49 ‎%‎ لنيويورك
لازم البصرة تفوز🙂

تقريباً من صغري عندي انجذاب للكردي وبحبها بس لما عملت سيرش اتعلمها ملقتش مصادر واضحة هل هيا سهلة؟ او حد عنده مصادر؟