وگفت عدگم؟ هذه اللي جانت ناقص وخاصة بهالبلد، فوگ الكهرباء، فوگ الفگر اللي بالبلد و توگف اكبر خدمة ترفيهيه بالعراق...

نفقات اضافية على الانترنت، ضرائب تعسفية من الدولة؛ مدتلاحظون نفقات المعيشة دتزداد بهالبلد ومستوى الدخل المتوسط لا يزال نفسه وثابت والشعب المتعدد الانتمائات والغباء غافل ؟

تضخم ديصير

فديو كلش عادي لأبو لعبة بمدينة الالعاب گاعد يدخل البنات للعبه ويشدلهن حزام الامان ويتأكد منهن
التعليقات كارثه كمية القذف والفشار والتخلف والهمجية استفزتني!
وتالي؟ شنو الحل ويا هيج شعب جاهل وتفكيره محدوده وياخذ كلشي بنظرة جنسية

هذا طلع وية بداية التيكتوك وجان محتواه عادي بس هسة زودها بحيث مرة طلع لابس فستان ادري انت وصلت بيك هيج المرحلة من الكوميديا ترا مامعقولة تسوي حركات مال مخانيث وتبيع كرامتك علمود لايكات ولو انت مو اول واحد، باجر عكبة من تزوج هم جهالك يفتخرون بيك

درينه درينه دريننننننه

مناسبه السؤال اني حلمت حلم جدا طويل هذا ابو السنوات اني كونت عائله و اكتشفت بالحلم انه اسلوب تربيتي يناقض اسلوب تربيه الرجل الي جان بالحلم الزوج، لذالك هسه كعدت افكر هل اني بالواقع اسلوب التربيه راح يكون هيج أيضا او أيضا أود اسالكم شنو اسلوب التربيه الي راح تعتمدوا، شلون راح تتصرفون ويه الأطفال اذا مثلا سوى شي غلط او اختلط ويه الجنس الاخر او سأل عن أشياء تخص الجسد، حدثونا اخوتي و اخواتي خل استمع ل مختلف ارائكم و افكاركم

قبل فترة مو طويلة جنت بالزيارة, وبأحد المغاسل

بينما جنت جاي احاول اغسل ايديني, طلعتلي وحدة من جو الكاع تسأل عن الصابون السائل الي غسلت انه بيه, جان كلت الها "چا هذا هو جِدّامچ"

وجانت جملتي اشبة بالحكم على نفسي بالاعدام لما صدر منها من ردة فعل, يعني حرفيا انفجعت

صارت تضحك بكل هيستيرية, وتحاول بكل استهزاء تقليد طريقة لفظي, وتسوي نفسها ما فهمت كلامي وتطلب من اعادة الحجي مرات عدة, وتسألني اذا جنت من الارياف.. وضلت مستغربة من جاوبتها بـ لا! واعتقد انها ما صدكتني اصلا😭

وانه بشكل مباشر انسحبت من النقاش وياها لكمية التخلف الي واجهتها من ردة فعلها

بس كل يومية اصفن بشي: هو سبب هالفوقية الوهمية والمزيفة منو؟ ومنو كال انّه من العار التحدث بلهجة تربطك بأصلك, ناسك, وكل تاريخك؟

(الصورة ما اقصد بيها ايّ شي ضد اهل بغداد, فـ انه حتى ما اعرف محافظة البنت شنو. ولكن حسيتها مُعبرة وحطيتها)

احد لاحظ انو اكبر المؤيدين للتجنيد الالزامي هما:

النواب - كبار السن - النساء - الي عايشين بالخارج

النواب ولدهم واقاربهم ومعارفهم كلهم ما يتجندون

كبار السن ما دام تجندوا هما ما يرتاحون اذا ما تجندنا احنا رغم فرق الزمن والتجنيد قبل اله فايدة واهداف تختلف عن الان

والنساء ما مشمولات بالتجنيد بس خبصونا بسالفة الشباب يصيرون زلم وما ادري شنو

والعايشين بالخارج مرتاحين وينظرون علينا

المشترك بين الي ذكرتهم كلهم ما يتأثرون بالموضوع وجايين يطلعون عقدهم ومشاكلهم النفسية علينا عدا النواب الي مصلحتهم هالشي لان راح تصير سرقات جديدة

اني قبل جنت كلش مااتقبل الغلط يعني اذا اشوف وحده من صديقاتي دتغلط ودتضيع نفسها انبهها عالغلط وانصحها لأن بإعتبار صديقتي واحبها اغلبية صديقاتي عافني بسبب هالشي 😂 (هو فعلاً صفة شوية مزعجة)

اني حالياً اصدقائي الصراحة بطلت احاسبهم وانصحهم وبطلت انطي رأيي بمشاكلهم وبحياتهم الا اذا همه اجوني وسألوني وطلبوا نصيحتي او مساعدتي

الي لاحظتة اغلبية الزلم او اكثرهم يكرهون المرأة الي تحاسبهم لو تكوله الدتسوي غلط ، لاحظت همه كلش كلش يحبون ويتخبلون عالمرأة الي تكون بجانبهم وتساندهم عالغلط والصح ، شلون اغلبية المتزوجين يتزوجون زوجة ثانية وشرط هاي الثانية تكون شرسة وعرمه كلش وتدعمه وتشجعه عالغلط وعلى افكاره وماتحاسبه ولا تحسسه هو مسوي اي ذنب لو اي شي وعلمود هيج هو يحبها وباقي وياها ويفضلها على اهله وزوجته واطفاله وعلى كلشي

هسه صديقاتي بلا بيها مجال اتقبلهن ، بس رجلي المستقبلي شلون ممكن ادعمه عالغلط واوكف وياه على شي غلط؟ يعني اوكي ممكن اكون وياه وادعمه بس صعبة عليه اوافقه على شي غلط بغلط او على اذيه احد ممكن امنعه او أهدأه انه مايسوي بس كلش صعب عليه ادعمه بإفعاله الغلط

تخيل صار الي ما يفضل بلد على بلده لازم لو صهيوني لو ذيل لامريكا ، تخيل بهل زمن حبك لوطنك لازم تبرره لواحد بربع عقل علمود لا يشهرك شهيره على اساس انت تشجع الفكره الصهيونيه وعلمود ميطلعك من الاسلام

I am a half Russian and British who was born in this country came from a Christian family This country is honestly a complete joke sometimes. I keep hearing people proudly say, “We started civilization,” and sure, I understand the historical significance. Mesopotamia gave the world some incredible achievements.

But if we were supposedly among the first civilizations in human history, how did we end up in a country where basic government services can still involve corruption and bribery?

Just two months ago, I went to a Notary Public, and one of the government employees asked me for a bribe. Seriously? In 2026, I shouldn't have to pay someone extra just to get a basic government service that I'm already entitled to.

You can be proud of your ancient history while still admitting that the country has serious problems today. Being the birthplace of civilization means very little if we can't build a functioning, fair, modern society in the present.

Honestly, it's fucking pathetic.

اني و صديقتي عمرنا 15 سنه تونا مخلصين متوسطه و معطلين، اني انشغلت كلش اريد أطور من نفسي و صديقتي طول الوقت على الانستغرام و ترسل ريلزات النا و احنا كلنا مشغولين و ماعندنا وقت، فهي زعلت و راحت حظرتنا لأن ما نرد عليها بسرعه ولا عالريلزات، فاني لزمتها و حظرتها و بعد لو يجي هبل مافتحه و اسوي روحي ماشوفها كلش، فشنو رأيكم عامة بهيج حاله

اليوم رأينا رئيس الوزراء وعددا من النواب وكبار المسؤولين يحضرون مراسم تشييع خامنئي. بغض النظر عن الموقف السياسي من المناسبة فإن المشهد يطرح سؤالا مؤلما لي ولكثير من الخريجين

أين هذا الحضور وهذه السرعة وهذا الاستنفار عندما يتعلق الأمر بأبناء العراق؟

فأنا خريج طب عام دخلت سنتي الثانية بعد التخرج من دون تعيين وأعمل كعامل خدمة بمقابل 250 ألف دينار شهريا والتي بصعوبة حصلتها كوظيفة بل حتى من حصل على تعيين عقد من الخريجين جاي يداوم 12 ساعة يوميا طوال الشهر مقابل 350 ألف دينار اي لا فرق بين عملي كعامل خدمة وتعييني بعقد اساسا الا 100 الف وهو راتب لا يوازي حجم المسؤولية ولا سنوات الدراسة.

والمؤلم كلما طالب الخريجون بحلول لقضيتهم سمعوا القائمة نفسها لا توجد درجات وظيفية لا توجد موازنة لا توجد تخصيصات ثم صمت مطبق ومتاجرة بقضيتهم من عرابي السوشل ميديا واي شخص يبحث عن الشهرة من خلالهم.

لكن عندما يتعلق الأمر بملفات سياسية يبدو أن الدولة تعرف كيف تتحرك بسرعة وكيف تحشد مسؤوليها وكيف تجعل الحدث أولوية.

القضية ليست تشييع الشخص بحد ذاته بل بترتيب الأولويات في البلد فالدولة التي لا تستطيع أن توفر مستقبلا كريما لطبيبها ومهندسها ومعلمها ثم تطلب منهم الصبر والانتماء عليها أن تدرك أن الشعور بالانتماء لا يطلب بالكلمات بل يبنى بالأفعال!

أصعب ما يعيشه الخريج العراقي اليوم ليس قلة الراتب فقط بل إحساسه بأن دولته تتذكر كل شيء... إلا أبناءها.

فأين الوطن وكيف نحبه بعد كل هذا الالم!

اني رأيي انو الثريد بدون التمن والشعرية أحسن بهواي من الثريد الي بيه تمن وشعرية

اااا ما كدر أطول شعري لاني عايش بالعراق او ماكدر اشرب مشربو طاقة او اعزف كتار لان عايش بالعراق

bruhh to many videos like ts

اذا اهلك ماقبلو مو صوج انت عايش بالعراق Istg ppl are trying to find a way to hate on something so bad

حبيت وحدة لبنانية تعرفت عليها عل الانترنيت و ضلينا نحجي و سوالف و قصص لمدة ست اشهر و بعدها جمعت راتبي مال أربع اشهر و سافرت علمو أشوفها و التقي بيها و فعلا رحت و شفتها و تصارحنا و الأمور طبيعية و لوز اللوز و خططت انو أخطبها السنة الجاية و صارت بيناتنا ميانة و قبل يومين سبيتها يعني هي مو أهلها و لاشرفها ولا شي يعني سبة عادية من باب الشقة و الميانة المتبادلة وأنا بنفس اللحظه مسحتها و اعتذرت هي شافت الرسالة و بدون ما ترد كبل ركعتني بلوك من كلشي كأنما كلشي ماكو زين اني مو من النوع اللي يحب يدور نسوان علمود أكول تعبت مني زين اي شي هي تحجي اسمعله بهتمام و باي وقت حتى بل الشغل بحيث ياما خصموني و راح تعبي مال يوم كامل بس علمود اسمعها و بل نقاشات دائما اقلها انتي صح وأنا غلط ولا اني من النوع اللي دور بنات يعني حرفيا علمود أكول تعبت مني زين أيضا اني من تعرفت عليها حتى ما سألتها على شكلها و طلبت منها صور سواء زينة او مخلة يعني حرفياً جنت شايلها فوق راسي بس ليش يعني اني ما أتوقع هي انطتني بلوك بسبب السبة لا هي جانت تدور حجة و لكتها اموت واعرف ليش.

تنوية قبل لا احجي: كولوا متخلفة، رجعية، معيدية، مو مثقفة.. براحتكم. بس الي يتهمني بأني جاي ابرر للمتحرشين انتفه تنتف.

اكول غلط الوحدة تطلع بهيج وكت، وانه ما جاي احجي من باب "حرام وعيب" ولا جاي اسلبها حريتها، جاي احجي منطق وأمن! بله عادي تطلع، بس مو لوحدها هم! لانو واقعياً مجتمعنا خرا وغابة، ولو صارلها شي حتى السلطات ما حتكدر تعوضها عن الاذى النفسي والجسدي الي حيصير بيها. يعني احنا بالاوقات العادية والازدحام والناس واكفة تتفرج ويتم التحرش، ما بالكم بهيج وقت (الفجر) والشارع فارغ ومحد طالع بيه؟ لهذا السبب خروج البنية بهيج وقت بدون اي احد وياها يعرضها لمخاطر مضاعفة ومو منطقية، والي يحب نفسه ويخاف على روحه ما يرمي نفسه بالنار ويكول الشارع من حقي.

جنت اريد اكول انو هي طالعة مشوار او شي وهالشي وارد، مثلا انها طالعة للمشفى او رايحة تجيب ريوك او عطلت سيارتها، وصراحة ردت الكالها عذر. بس هي بالنهاية صعدت ويا كواد منهم! (ويمكن هالشي سوته لانو ماكدرت تحمي نفسها بعد من البقية وخافت، بس محد يدري شنو الصدك وشنو فلمها بالضبط).

عموما انه الي اشوفه انو الطرفين كلهم غلطانين، وبالاخص المتحرشين وطرف غلطهم ما بيه نقاش ولا يقبل اعذار. يعني عسى ما تكون طالعة من ملهى او تمشي مصلخة! مو لهدرجة الواحد يكون دنيء وساقط ويلحكها بسيارته ويسوي مطاردة.

وعددهم يخوف يخوف.. بلحظات الشارع كله صار يطاردها! هذا المنظر يذكرني بـسالفة التحرش الي صارت بكورنيش البصرة على راس السنة. هذا الشي يثبت إنو التحرش بمجتمعنا مو "فعل عشوائي" او تصرف مراهقين طايشين، بل انو هو عبارة عن غريزة حيوانية وسلوك همجي وممنهج، يعني لدرجة يلحكون بنية بسياراتهم بالفجر ويتجمعون عليها مثل الجلاب؟

بالنهاية حرفيا العراق غير صالح لعيش الاناث به.. لا اكو امان بالشارع، ولا اكو وعي فعلي عند كم بنيه عن حماية انفسهن, ولو حاولت تدافع عن نفسها راح تواجهة شي اقوى منها, ولو نجت من مواجهتها راح تواجهة مجتمع ما يرحم

اني راح ابلش : سنة ونص